![ថ្ងៃនេះ ក្រសួងរកឃើញអ្នកឆ្លងកូវីដ ១៥១ នាក់ ជាសះស្បើយ ៣៦៦ នាក់ ស្លាប់ ១១ នាក់](https://brocheabrey.com/wp-content/uploads/2021/10/FEATURE7777.jpg)
ថ្ងៃនេះ ក្រសួងរកឃើញអ្នកឆ្លងកូវីដ ១៥១ នាក់ ជាសះស្បើយ ៣៦៦ នាក់ ស្លាប់ ១១ នាក់
ក្រសួងសុខាភិបាល នៃព្រះរាជាណាចក្រកម្ពុជា នៅថ្ងៃទី ២១ ខែតុលា ឆ្នាំ ២០២១ នេះ បានចេញសេចក្តីប្រកាសព័ត៌មាន ស្ដីពីជំងឺកូវីដ-១៩ ឱ្យបានដឹងថា កម្ពុជាបានរកឃើញអ្នកឆ្លងជំងឺកូវីដ-១៩ ចំនួន ១៥១ នាក់ ដែលជាលទ្ធផលបញ្ជាក់ដោយ PCR ដែលក្នុងនោះមានករណីនាំចូលពីបរទេសចំនួន ២១ នាក់។
បន្ថែមលើសពីនេះ ក្រសួងសុខាភិបាល ក៏បានរាយការណ៍អំពីតួលេខអ្នកស្លាប់នៅក្នុងថ្ងៃនេះផងដែរ ដោយក្រុមគ្រូពេទ្យបានរកឃើញមានអ្នកជំងឺកូវីដ-១៩ ស្លាប់ចំនួន ១១ នាក់ (មាន ០៧ នាក់ មិនបានចាក់វ៉ាក់សាំង) ខណៈមានអ្នកជាសះស្បើយចំនួន ៣៦៦ នាក់ បានជាសះស្បើយពេញលេញ និង ត្រឡប់ទៅបន្តធ្វើចត្តាឡីស័កនៅតាមផ្ទះវិញ។
គិតត្រឹមថ្ងៃទី ២១ ខែ តុលា ឆ្នាំ ២០២១ នេះ ចំនួនករណីឆ្លងកូវីដ-១៩ ក្នុងប្រទេសកម្ពុជារួមមាន ៖
– ករណីឆ្លងសរុបទូទាំងប្រទេស កើនឡើងដល់ ១១៧ ៣៥២ នាក់
– អ្នកជាសះស្បើយមានចំនួនសរុប ១១២ ០៥៦ នាក់
– អ្នកស្លាប់មានចំនួនសរុប ២ ៧០៤ នាក់៕
ខាងក្រោមនេះ ជាលិខិតប្រកាសរបស់ក្រសួងសុខាភិបាល៖